Қазақстандық дәрілік заттардың стандарт бойынша өндірілуі КО-дағы бәсекелестікте басымдық береді
2015 жылдан бастап Қазақстанның фармацевтикалық өнімі GMP стандарты бойынша өндіріледі.
Бұл туралы бүгін осы мәселе бойынша Қазақстанның Ұлттық кәсіпкерлер палатасындағы «дөңгелек үстелде» ҚР ИЖТМ Өнеркәсіп комитеті төрағасының орынбасары Ержан Кәрібаев мәлім етті.
Белгілі болғандай, 2013 жылы дәрі-дәрмек өндірісінің көлемі 2008 жылғы көрсеткіштерге қарағанда үш есеге артып, 33 миллиард теңгеден асты. Бұл бағытта 2010 жылы бес жоба іске қосылса, 2012 және 2013 жылдары алты жобадан пайдалануға берілді.
Е. Кәрібаевтың сөзіне қарағанда, биылғы жыл отандық өндірушілер үшін маңызды болмақ. «Атап айтқанда, алға қойылған мақсат бойынша 2015 жылдан бастап қазақстандық барлық өндірістер GMP стандартымен өткізілетін болады. Бұл өз кезегінде бізге отандық өндірушілерді қорғауға және Кедендік одақ нарықтарында белгілі бір бәсекелестік басымдықты иеленуге мүмкіндік береді»,-деді ол.
GMP стандарты - дәрілік заттарға, медициналық құрылғылар мен диагностикалық мақсаттағы жабдықтарға, азық-түлік қоспаларына қатысты нормалар мен ережелерінің жүйесі.
Дерекнамасы: Казинформ
Пікір қалдыру:
Пікірлер: