Бизнес пен биліктің өзара әрекеттесу жолдары
2013 жылдың қыркүйегінде Қазақстан Үкіметі және «Атамекен» Қазақстанның Ұлттық экономикалық» Одағының бірлескен шешімімен Қазақстан Республикасының ұлттық кәсіпкерлер палатасы құрылды (ҚР ҰКП). Бұл – коммерциялық емес, билік пен бизнестің тиімді серіктестігі негізінде кәсіпкерліктің дамуы үшін қолайлы жағдайлар қалыптастыру мақсатында құрылған өзін-өзі реттейтін ұйым. Палата мүшелері Қазақстанда тіркелген коммерциялық заңды тұлғалар (сондай-ақ банктік ұйымдар мен банктер, өнеркәсіп, ауыл шаруашылығы мен қаржылық сектор саласында ұлттық холдингтер құрамына кіретін ұлттық компаниялар мен ұйымдар); жеке кәсіпкерлер; шаруа (фермерлік) қожалықтары болып табылады.
Ұйымның негізгі функциялары кәсіпкерлердің заңды мүдделері мен құқықтарын қорғау болып табылады; кәсіпкерлік белсенділіктің қоғамдық мониторингісін өткізу; аймақтардағы кәсіпкерлік қызметтің жағдайларын жасау; кәсіпкерлікті қолдау мен дамытудың мемлекеттік бағдарламаларына қатысу; отандық және жергілікті өндірісті қолдау; даярлау, қайта даярлау, біліктілікті арттыру, кадрлардың сертификациясы мен аттестациясы; техникалық және кәсіби білімді дамыту; кәсіпкерлік субъектілерінің сыртқы экономикалық қызметін ынталандыру, экономика диверсификациясы және инвестиция тарту.
Қазақстанның барлық облыстарында Ұлттық палата функциялары мен міндеттерін орындау үшін кәсіпкерлердің аймақтық палаталары (одан әрі КАП) құрылды. КАПтың міндеті – елдің әрбір аймағында кәсіпкерлік секторды дамыту және көбейту, сол аймақтағы мемлекеттік органдар мен бизнестің өзара әрекеттесу механизмдерін жетілдіру. Жергілікті көлемдегі қызметтер Аймақтық палата мен оның аудандық филиалдары арқылы жүзеге асырылады. Егер де мәселе үкіметтік деңгейде шешілуді талап етсе немесе оның шешілуі үшін заңнамаға қандай да бір өз герістер енгізу қажет болған жағдайда бұл мәселе Ұлттық кәсіпкерлер палатасының Басқарма деңгейіне тапсырылады. Мұндай құрылым рұқсат етілген рәсімдерді жеңілдету, салықтық әкімшілік ті жақсарту, сондайақ кішігірім қалалар, аудандар мен ауыл кәсіпкерлерінің маңызды проблемаларын назарсыз қалдырмау секілді бизнестің жүйелі және көлемді мәселелерін бір уақытта шешуге мүмкіндік береді.
Аймақтық кәсіпкерлер палатасының мақсаты – кәсіпкерлік субъектілерінің заңды мүдделері мен құқықтарын қорғау және қамтамасыз ету, аймақтық бизнесті кең түрде қамту және оның шоғырландыруын кәсіпкерлік қоғамдастығының қалыптасу процесіне жанжақты енгізу.
Бизнес субъектілерінің жұмысы барысында туындайтын мәселелерді тез шешу үшін, облыстық кәсіпкерлер Палатасы кейбір мемлекеттік органдармен бірлесе отырып тұрақты негізде «Ашық есік күндері» аясында кәсіпкерлерді қабылдауды ұйымдастыруды шешті.
Осыған орай облыстық кәсіпкерлік субъектілері өкілдерін аталған шараға белсенді қатысуларын сұраймыз. Мүдделі органдармен келісілген 2014 жылдың бірінші жартыжылдығына арналған қабылдау кестесін мәлімет үшін ұсынамыз.
Дерекнамасы: Орал өңірі
Пікір қалдыру:
Пікірлер: