Қазақстандық кәсіпкерлер Қытай шекарасынан жүктерін «Нұр Жолы» кеден бекеті арқылы тасымалдауға мәжбүр
15 маусымнан бастап Мемлекеттік кірістер комитеті деректива енгізбек, оған сәйкес «Алакөл» Алматы облысы МКД кедендік бекетінде кеден бекеті саласында тіркелген және/немесе қызметті жүзеге асыратын тұлғалар жүзеге асыра алады және келесі тауарларды импорттайды:
● жиналмаған немесе бөлшектенген күйде әкелінген, соның ішінде топталмаған немесе аяқталмаған түрде әкелінген тауарлар;
●лицензияланатын тауарлар, дәрі-дәрмек;
●1,6 және 7 кластағы қауіпті жүктер;
●инвестициялық шарттар шеңберінде тасымалданатын тауарлар;
●ветеринарлық және санитарлық бақылауға жататын, тыйым мен шектеу қойылған тауарлар;
●СЭҚ ТН 07, 08 және 0910 топтағы (Зімбір) өсімдіктен жасалған өнімдер.
Дерективаға жатпайтын, жүктерін автомобиль көлігімен тасымалдайтын сыртқы экономикалық қызметке қатысушылар өз логистикасын толығымен қайта қарап, Қытайдан жүктерін «Нұр Жолы» кедендік бекеті арқылы тасымалдауға мәжбүр, өйткені «Майқапшағай», «Бақты», «Көлжат» кеден бекеттері қытай тарапынан жабық. «Нұр Жолы» өткізу пунктіне келетін болсақ, қытай шенділері пандемияға байланысты шекарадағы бақылауды күшейтті, қазіргі таңда қазақстандық тасымалдаушылар Қазақстан-Қытай шекарасында тұрып қалды.
ҰКП тарапынан орын алған проблеманы тез арада шешу бойынша шараларды қабылдау қажеттілігі туралы Комитетке тиісті сұратым жіберілді. Ұлттық кәсіпкерлер палатасы өзінің сұратынымында қабылданған шектеу шаралары сыртқы экономикалық қызметтің барлық қатысушылары үшін міндетті болып, әділет органдарында бұйрықты тіркеу арқылы енгізілуі керектігін атап өтті.
Өз жауабында Комитет «Алакөл» бекетінде кедендік рәсімдеуді шектеуге қатысты өз шешімін бекетте кедендік тексерулерді жүргізу үшін арнайы орындар және жабдықтармен жеткіліксіз жабдықтау, сонымен қатар уақытша сақтау қоймаларының болмауына байланысты қабылданды деп түсіндірді.
Сондай-ақ Комитетпен қазіргі таңда «ЕАЭО және Бас диспетчерлік басқарманың кедендік шекарасының қазақстандық бөлігіндегі өткізу пункттерін жаңғырту және техникалық қайта құру» жобасы әзірленуде, оған сәйкес «Алакөл» кедендік бекеті құрылысын жаңа жер телімінде салу жоспарланған.
Жобаны 2023 жылға қарай аяқтау жоспарланған. Орын алған ситуацияны ескерсек, 2023 жылға дейін сыртқы экономикалық қызметке қатысушылардың басым бөлігі қаржылық қиындықтар мен шамадан тыс реттеу шаралары салдарынан өз бизнесін жабады деген қауіп бар.
Осы ретте Комитет 2020 жылдың 1 шілдесінен бастап «Көлжат», «Бақты», «Майқапшағай» бекеттері жұмысы жанданғанын хабарлайды. Алайда кәсіпкерлер бұл бекеттер бойынша жүктерді тасымалдай алмайды, өйткені бұл бекеттер Қытай тарапынан жабық.
Мемлекет басшысының тапсырмасына сәйкес қазіргі таңда ҚР Үкіметі тарапынан бизнесті қолдау бойынша шаралар қабылданып жатқанын ескерсек, ҰКП сыртқы экономикалық қызметті іске асыратын кәсіпкерлік субъектілеріне жасалып жатқан әкімшілік кедергілерді, атап айтқанда Алакөл кеден бекетінде Комитет белгілеген шектеулерді алып тастау қажет деп санайды.
Пікір қалдыру:
Пікірлер: